Walang Kalayaan

"Mahirap sumayaw ng walang musika"

Hayaan ninyong ipaliwanag ko ang nakatagong kahulugan ng nabuo kong kasabihan. Ako ay isa lamang simpleng estudyanteng galing sa mahirap na pamilya. Dalawa na lang kami ng bunso namin ang nag-aaral kasi iyong nakatatanda naming kapatid ay huminto na sa pag-aaral, tatlo lamang kaming magkakapatid pero ang bunso naming kapatid ay nasa elementarya pa lang at ako naman ay nasa kolehiyo na. Sa unang tingin mababaw lamang ang nabuo kong kasabihan "Mahirap sumayaw ng walang musika" ngunit masasabi kong ito'y galing naman sa kailaliman ng puso ko,sa nararamdaman ko ngayon dala ng mahihirap na karanasan ko sa araw-araw.Pilit akong pinag-aral ng aking mga magulang sa isang sikat na paaralan sa aming lugar sa kabila ng kahirapan na aming nararanasan dahil nga sa isang pangarap na balang araw makakaahon kami at maranasan din namin ang isang maayos na pamumuhay.Kaming lahat sa pamilya namin ay halos nagsasakripisyo para lamang makapag-aral ako, hanggang sa dumating ang araw na nagkawatak-watak kami dahil nga sa kinakailangan upang makatapos ako,ngayon ito ang naisip kong kasabihang aakma sa nararamdaman ko ngayon at sa napagtanto ko, "mahirap sumayaw ng walang musika", na para sa akin mahirap mangarap nang walang wala ka.Kahit ngayon parang pati ako susuko na, nanghihina na rin ako pero naisip ko kailangan kong tapusin ito kasi nasimulan ko na eh, ngayon pa ba ako susuko kong malapit na ako sa "finishing line".Pero nagpapasalamat pa rin ako dahil sa mga magulang kong patuloy na nagsisikap para sa amin,sana makayanan namin ito at sana patuloy pa rin kaming gabayan at tulungan ng Panginoong Diyos.